Sakshi Sunil Jadhav
बदलत्या लाइफस्टाइलमुळे अनेकांना तिशितच BP च्या समस्येला सामोरं जावं लागतं. अशा वेळेस ब्लड प्रेशरची औषधं आयुष्यभर घ्यावी लागतात का? हा प्रश्न अनेकांच्या मनात येतो.
तज्ज्ञांच्या मते, प्रत्येकालाच आयुष्यभर औषधं घ्यावी लागत नाहीत. हे व्यक्तीच्या वयावर, आरोग्यावर आणि उपचारांना मिळणाऱ्या प्रतिसादावर अवलंबून असतं.
हायपरटेन्शन नियंत्रणात राहिलं नाहीतर हार्ट अटॅक, स्ट्रोक, किडनीचे आजार आणि इतर गंभीर आरोग्य समस्या होण्याचा धोका वाढू शकतो.
लाइफस्टाइलमध्ये बदल केल्यावर फायदा होऊ शकतो. म्हणजेच वजन कमी करणं, नियमित व्यायाम, मीठाचं प्रमाण कमी करणं आणि संतुलित आहार घेणं.
ताण कमी करणं, धूम्रपान सोडणं आणि मद्यपान मर्यादित करणं यामुळेही रक्तदाबावर सकारात्मक परिणाम होऊ शकतो.
तुम्ही रोज सकारात्मक बदल केला तर तुमचा BP नियंत्रित राहू शकतो आणि डॉक्टर औषधांचा डोस कमी करण्याचा विचार करू शकतात.
रक्तदाबाची रीडिंग नॉर्मल आली म्हणून औषधं अचानक बंद करणं धोकादायक ठरू शकतं; औषधांचा परिणाम असल्यामुळेही बीपी नियंत्रणात असू शकतो.
ही माहिती जनजागृतीसाठी आहे. रक्तदाबाची औषधं स्वतःहून सुरू, बंद किंवा कमी करू नका; त्यासाठी डॉक्टरांचा सल्ला घ्या. साम टिव्ही याचं समर्थन अथवा दावा करत नाही.